Expert PU College Day-14 Photos

EXPERT DAY CELEBRATION-14

ಕನಸು ಮತ್ತು ಪರಿಶ್ರಮದಿಂದ ಯಶಸ್ಸು ಸಾಧ್ಯ : ವಿಜ್ಞಾನಿ ವಿ.ಕೋಟೇಶ್ವರ ರಾವ್

ಮಂಗಳೂರು: ಭವಿಷ್ಯದ ಬಗ್ಗೆ ಕನಸು ಮತ್ತು ಕಠಿಣ ಪರಿಶ್ರಮದಿಂದ ಮಾತ್ರ ಬದುಕಿನಲ್ಲಿ ಯಶಸ್ಸು ಸಾಧ್ಯ ಎಂದು ಇಸ್ರೋದ ನಿಕಟಪೂರ್ವ ಕಾರ್ಯದರ್ಶಿ(ವಿಜ್ಞಾನ) ವಿ.ಕೋಟೇಶ್ವರ ರಾವ್ ಹೇಳಿದರು.
ಅವರು ಮಂಗಳೂರಿಗೆ ಸಮೀಪದ ವಳಚ್ಚಿಲ್‌ನ  ಎಕ್ಸ್‌ಪರ್ಟ್‌ ಪ.ಪೂ. ಕಾಲೇಜಿನ ಕ್ಯಾಂಪಸ್ಸಿನಲ್ಲಿ ಎಕ್ಸ್‌ಪರ್ಟ್‌ ಪ.ಪೂ. ಕಾಲೇಜಿನ 28ನೇ ವಾರ್ಷಿಕ ದಿನಾಚರಣೆಯ ಸಮಾರಂಭದಲ್ಲಿ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.
ಮಂಗಳನ ಅಂಗಳಕ್ಕಿಳಿಯುವ ವಿಜ್ಞಾನಿಗಳ ಸಾಧನೆ ಮತ್ತು ಬೆಂಗಳೂರಿನ ಬಾಹ್ಯಾಕಾಶ ಕೇಂದ್ರದ ಹುಟ್ಟು ಬೆಳವಣಿಗೆಯನ್ನು ಸಚಿತ್ರವಾಗಿ ವಿವರಿಸಿದ ಅವರು, ಬಾಹ್ಯಾಕಾಶ ಕ್ಷೇತ್ರದಲ್ಲಿ ಸಾಧಿಸಬೇಕಾದ ಸಾಧ್ಯತೆಗಳನ್ನು ವಿದ್ಯಾರ್ಥಿಗಳಿಗೆ ವಿವರಿಸಿದರು.
ದಕ್ಷಿಣ ಕನ್ನಡ ಜಿಲ್ಲಾ ಪಂಚಾಯಿತಿಯ ಸಿಇಒ ತುಳಸಿ ಮದ್ದಿನೇನಿ ಮಾತನಾಡಿ, ಸಮಾಜದಲ್ಲಿ ಉನ್ನತ ಗೌರವ ಪ್ರಾಪ್ತಿಗಾಗಿ ಡಾಕ್ಟರ್, ಎಂಜಿನಿಯರ್ ಆಗಲು ವಿದ್ಯಾರ್ಥಿಗಳು ಕನಸು ಕಾಣುತ್ತಾರೆ. ಆದರೆ ಸಮಾಜದಲ್ಲಿ ಒಳ್ಳೆಯ ಕಾರ್ಯಗಳನ್ನು ಮಾಡಿದರೂ ಸಮಾಜದ ಅಂಗೀಕಾರ ಸಿಗುತ್ತದೆ. ಉತ್ತಮ ಸಾಧನೆ ಮಾಡುವ ಪ್ರವೃತ್ತಿ ಮಾನವನಿಗೆ ಪ್ರಾಚೀನ ಕಾಲದಿಂದಲೇ ಇತ್ತು. ಆದರೆ ನಮ್ಮ ಅಂತರಂಗದಲ್ಲಿ ಇನ್ನೊಬ್ಬನನ್ನು ಸೋಲಿಸುವ, ಮಣಿಸುವ ಇಚ್ಛೆ ಇರಬಾರದು. ಎಲ್ಲರೂ ಸೇರಿ ಸಾಧನೆ ಮಾಡುವ ಮನೋಬಲ ನಮ್ಮಲ್ಲಿ ಮೂಡಿಬರಬೇಕು ಎಂದರು.
ಆಹಾರ-–ನಿದ್ದೆ-–ಅಧ್ಯಯನ-–ವ್ಯಾಯಾಮಗಳಿಂದ ಜೀವನದಲ್ಲಿ ಯಶಸ್ಸು ಸಾದ್ಯ; ಆದರೆ ಯಾವತ್ತೂ ಮದ್ಯಪಾನ ಹಾಗೂ ಡ್ರಗ್ಸ್‌ಗೆ ಬಲಿಯಾಗಬೇಡಿ ಎಂದು ವಿದ್ಯಾರ್ಥಿಗಳಿಗೆ ಕಿವಿಮಾತು ಹೇಳಿದರು.
ಎಕ್ಸ್‌ಪರ್ಟ್ ಸಮೂಹಸಂಸ್ಥೆಗಳ ಕಾರ್ಯದರ್ಶಿ  ಶ್ರೀಮತಿ ಉಷಾಪ್ರಭಾ ಎನ್.ನಾಯಕ್ ಮಾತನಾಡಿ, ಎಂಜಿನಿಯರ್ ಮತ್ತು ಡಾಕ್ಟರ್‌ಗಳನ್ನು ಮಾತ್ರ ಉತ್ಪಾದಿಸುವುದು ಎಕ್ಸ್‌ಪರ್ಟ್ ಉದ್ದೇಶವಲ್ಲ; ಉದ್ಯಮಿಗಳನ್ನು ಸೃಷ್ಠಿಸುವ ದೂರದೃಷ್ಠಿಯನ್ನೂ ನಾವು ಹೊಂದಿದ್ದೇವೆ. ಎಕ್ಸ್‌ಪರ್ಟ್ ದಿನಾಚರಣೆಯ ಅಂಗವಾಗಿ ವಿದ್ಯಾರ್ಥಿಗಳೇ ಆಯೋಜಿಸಿದ ಸಿನೇಮಾ ಥಿಯೇಟರ್, ಆಹಾರ ಮೇಳ, ಪ್ರದರ್ಶನ ಮತ್ತು ಮಾರಾಟ ಮೇಳ ಇದಕ್ಕೆ ಸಾಕ್ಷಿ ಎಂದರು.
ಕೊಡಿಯಾಲ್‌ಬೈಲ್ ಎಕ್ಸ್‌ಪರ್ಟ್ ಪದವಿಪೂರ್ವ ಕಾಲೇಜಿನ ಪ್ರಾಂಶುಪಾಲರಾದ ಪ್ರೊ.ರಾಮಚಂದ್ರ ಭಟ್ ಮತ್ತು ವಳಚ್ಚಿಲ್ ಎಕ್ಸ್‌ಪರ್ಟ್ ಪದವಿಪೂರ್ವ ಕಾಲೇಜಿನ ಪ್ರಾಂಶುಪಾಲರಾದ ಡಾ.ಎನ್.ಕೆ.ವಿಜಯನ್ ವರದಿ ಮಂಡಿಸಿದರು.
ಟ್ರಸ್ಟಿಗಳಾದ ಪ್ರೊ.ಪಿ.ಶಾಂತಾರಾಮ, ಉಸ್ತಾದ್ ರಫೀಕ್ ಖಾನ್, ಬಿ.ಮಂಜುನಾಥ ಕಾಮತ್, ಆಡಿಟರ್ ಎಂ. ಜಗನ್ನಾಥ್ ಕಾಮತ್, ಎಸ್.ಎಸ್. ನಾಯಕ್, ಎಂ.ಫಾರ್ ಕಂಪೆನಿಯ ವಲಯ ಸಂಯೋಜಕ ಅನಿಲ್ ಭಂಡಾರಿ, ಎ.ಐ.ಸಿ.ಇ. ವಿಭಾಗದ ಮುಖ್ಯಸ್ಥ ವಿಪಿನ್ ಕುಮಾರ್, ಸಾಂಸ್ಕೃತಿಕ ಕಾರ್ಯಕ್ರಮ ಸಂಯೋಜಕರಾದ ವಿದ್ಯಾಶಾರದಾ ಜಿ.ಕೆ, ಕರುಣಾಕರ ಬಳ್ಕೂರು, ಅಲ್ಯುಮಿನಿ ಕಾರ್ಯದರ್ಶಿ ಶ್ರದ್ಧಾ ಗುಪ್ತಾ, ವಿದ್ಯಾರ್ಥಿ ಸಂಘದ ಅಧ್ಯಕ್ಷ ಚಂದನ್ ಜಿ.ಆರ್. ಉಪಸ್ಥಿತರಿದ್ದರು.
ಎಕ್ಸ್‌ಪರ್ಟ್ ಸಮೂಹಸಂಸ್ಥೆಗಳ ಅಧ್ಯಕ್ಷ ಪ್ರೊ.ನರೇಂದ್ರ ಎಲ್. ನಾಯಕ್ ಸ್ವಾಗತಿಸಿದರು. ಕಾರ್ಯಕ್ರಮ ನಿರ್ದೇಶಕ ಸುಬ್ರಹ್ಮಣ್ಯ ಉಡುಪ ವಂದಿಸಿದರು.
ಇದೇ ಸಂದರ್ಭದಲ್ಲಿ ವಿದ್ಯಾರ್ಥಿಗಳು ಸಾಂಸ್ಕೃತಿಕ ಕಾರ್ಯಕ್ರಮ ಪ್ರದರ್ಶಿಸಿದರು.
-----------------------------------------------------------------------------------------------------
ವರದಿ: ಸುರೇಶ್ ಕೆ., ಕನ್ನಡ ವಿಭಾಗ, ಎಕ್ಸ್‌ಪರ್ಟ್ ಪದವಿ ಪೂರ್ವ ಕಾಲೇಜು, ವಳಚ್ಚಿಲ್, ಮಂಗಳೂರು.

-----------------------------------------------------------------------------------------------------

EXPERT PU College Valachil Ex' Mas-14

ಗಮನಸೆಳೆಯುತ್ತಿರುವ ಎಕ್ಸ್‌ಪರ್ಟ್  ಗೋದಲಿ

ಮಂಗಳೂರು: ಕ್ರಿಸ್ಮಸ್ ಪ್ರಯುಕ್ತ ಮಂಗಳೂರಿನ ವಳಚ್ಚಿಲ್ ಎಕ್ಸ್‌ಪರ್ಟ್ ಪದವಿಪೂರ್ವ ಕಾಲೇಜಿನ ವಿದ್ಯಾರ್ಥಿಗಳು ನಿರ್ಮಿಸಿದ  ಬೃಹತ್ ಗೋದಲಿ ತನ್ನ ಸೊಬಗಿನಿಂದ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ.
ಕಳೆದ ಎರಡು ವಾರಗಳಿಂದ ಪ್ರಥಮ ಪದವಿ ಪೂರ್ವ ತರಗತಿಯ ವಿಜ್ಞಾನ ವಿದ್ಯಾರ್ಥಿಗಳ `ಗ್ರೀನ್ ಎಕ್ಸ್' ಕ್ಲಬ್ಬಿನ ಸದಸ್ಯರ ಸಹಕಾರದಿಂದ ಈ ಗೋದಲಿ ಸಾಕ್ಷಾತ್ಕಾರಗೊಂಡಿದೆ. ಸುಮಾರು 7ಮೀ ಉದ್ದ ಮತ್ತು 4ಮೀ ಅಗಲವಿರುವ ಈ ಗೋದಲಿ ನಿರ್ಮಾಣದಲ್ಲಿ 18ಕ್ಕೂ ಅಧಿಕ ವಿದ್ಯಾರ್ಥಿಗಳು ಕೈಜೋಡಿಸಿದ್ದರು. ಏಸುಕ್ರಿಸ್ತನ ಜನ್ಮಸ್ಥಳ ಬೆತ್ಲೆಹೇಮ್ ಎಕ್ಸ್‌ಪರ್ಟ್ ಕ್ಯಾಂಪಸ್ಸಿನಲ್ಲಿ ಸಾಕಾರಗೊಳ್ಳಲು `ಗ್ರೀನ್ ಎಕ್ಸ್' ಕ್ಲಬ್ಬಿನ ಸಕ್ರಿಯ ಸದಸ್ಯರಾದ ರಾಹುಲ್ ಎಸ್. ಪಾಟೀಲ್ ಮತ್ತು  ಅಭಿಷೇಕ್ ಉಮಾಶಂಕರ್ ಅವರ ಪರಿಶ್ರಮ, ಚಿಂತನೆ, ವಿನ್ಯಾಸಗಳು ಗೋದಲಿಯ ಅಂದಚಂದವನ್ನು ಇಮ್ಮಡಿಗೊಳಿಸಿದೆ.
ಕಳೆದ ಎರಡು ವಾರಗಳಲ್ಲಿ ಕಾಲೇಜಿನ ಸಾಮಾಜಿಕವಾಗಿ ಉಪಯೋಗಪ್ರದ ಉತ್ಪಾದಕ ಕಾರ್ಯ(SUPW) ಪೀರಿಯಡ್ ನಲ್ಲಿ ಆಸಕ್ತ ವಿದ್ಯಾರ್ಥಿಗಳು ಗೋದಲಿ ನಿರ್ಮಾಣ ಕಾರ್ಯದಲ್ಲಿ ವಿಶೇಷವಾಗಿ ನೆರವು ನೀಡಿದ್ದರು. ಕ್ರಿಸ್ಮಸ್ ದಿನದಂದು ಪೂರ್ಣಗೊಂಡ ಗೋದಲಿ ಪರಿಸರ, ಸ್ವಚ್ಛತೆಯೊಂದಿಗೆ ಭಕ್ತಿ-ಭಾವವನ್ನು ಸಹಜವಾಗಿ ಮೂಡಿಸುವಂತಿದೆ. ತಾಗಿ-ಭತ್ತದ ಮೊಳಕೆಯಿಂದ ರಚಿಸಿದ ನಕ್ಷತ್ರ, ತೂಗಾಡುವ ರಂಗುರಂಗಿನ ವಿದ್ಯುದ್ದೀಪಗಳು, ನಕ್ಷತ್ರಗಳು ಗೋದಲಿಗೆ ಮತ್ತಷ್ಟು ಮೆರುಗು ನೀಡಿದೆ.
––––––––––––––––––––––––––––––––––––––––––––––––––––––––––––––––––––––––

ವರದಿ: ಸುರೇಶ್ ಎಡನಾಡು, ಕನ್ನಡ ವಿಭಾಗ, ಎಕ್ಸ್‌ಪರ್ಟ್ ಪದವಿ ಪೂರ್ವ ಕಾಲೇಜು, ವಳಚ್ಚಿಲ್, ಮಂಗಳೂರು.
––––––––––––––––––––––––––––––––––––––––––––––––––––––––––––––––––––––––

ಅಭಿನಂದನೆ

ರಾಷ್ಟ್ರೀಯ ಪ್ರತಿಭಾನ್ವೇಷಣಾ ಪರೀಕ್ಷೆ
ಎಕ್ಸ್ಪಟರ್್ ಪದವಿಪೂರ್ವ ಕಾಲೇಜು ವಿದ್ಯಾಥರ್ಿಗೆ ಅಭಿನಂದನೆ

ಮಂಗಳೂರು: ನವದೆಹಲಿಯ ಎನ್.ಸಿ.ಇ.ಆರ್.ಟಿ. ನಡೆಸುವ ರಾಷ್ಟ್ರೀಯ ಪ್ರತಿಭಾನ್ವೇಷಣಾ ಪರೀಕ್ಷೆ(ನ್ಯಾಶನಲ್ ಟ್ಯಾಲೆಂಟ್ ಸಚರ್್)ಯಲ್ಲಿ ಮಂಗಳೂರಿನ ವಳಚ್ಚಿಲ್ ಎಕ್ಸ್ಪಟರ್್ ಪದವಿಪೂರ್ವ ಕಾಲೇಜಿನ ವಿದ್ಯಾಥರ್ಿ ವಿನಯ್ಕುಮಾರ್ ಜಿ.ವಿ. ತೇರ್ಗಡೆಗೊಂಡಿದ್ದು, ಎಕ್ಸ್ಪಟರ್್ ಸಮೂಹಸಂಸ್ಥೆಗಳ ಅಧ್ಯಕ್ಷ ಪ್ರೊ.ನರೇಂದ್ರ ಎಲ್. ನಾಯಕ್ ಮತ್ತು ಕಾರ್ಯದಶರ್ಿ ಶ್ರೀಮತಿ ಉಷಾಪ್ರಭಾ ಎನ್. ನಾಯಕ್ ವಿದ್ಯಾಥರ್ಿಯನ್ನು ಅಭಿನಂದಿಸಿದ್ದಾರೆ.
ಎಕ್ಸ್ಪಟರ್್ ಸಮೂಹಸಂಸ್ಥೆಗಳ ಟ್ರಸ್ಟಿಗಳಾದ ಪ್ರೊ. ಪಿ.ಶಾಂತಾರಾಮ, ಡಾ.ಡಿ.ಶ್ರೀಪತಿ ರಾವ್, ಡಾ.ಪ್ರೇಮ್ಕುಮಾರ್, ಉಸ್ತಾದ್ ರಫೀಕ್ ಖಾನ್, ಅಮೃತ್ ಕಿಣಿ, ಬಿ.ಮಂಜುನಾಥ್ ಕಾಮತ್, ವಳಚ್ಚಿಲ್ ಎಕ್ಸ್ಪಟರ್್ ಪದವಿಪೂರ್ವ ಕಾಲೇಜಿನ ಪ್ರಿನ್ಸಿಪಾಲ್ ಡಾ.ಎನ್.ಕೆ.ವಿಜಯನ್, ವೈಸ್ಪ್ರಿನ್ಸಿಪಾಲ್ ಗುರುದತ್ತ್ ಎನ್. ಅವರು ಅಭಿನಂದಿಸಿದ್ದಾರೆ.
ಎನ್.ಸಿ.ಇ.ಆರ್.ಟಿ. ನಡೆಸುವ ಪ್ರತಿಭಾನ್ವೇಷಣಾ ಪರೀಕ್ಷೆ(ನ್ಯಾಶನಲ್ ಟ್ಯಾಲೆಂಟ್ ಸಚರ್್) ಪ್ರತಿಭಾನ್ವಿತ ವಿದ್ಯಾಥರ್ಿಗಳಿಗೆ ಪ್ರತಿಷ್ಠೆಯ ವಿಷಯವಾಗಿದ್ದು, ಮೆಂಟಲ್ ಎಬಿಲಿಟಿ ಟೆಸ್ಟ್(ಮ್ಯಾಟ್) ಮತ್ತು ಸ್ಕಾಲೆಸ್ಟಿಕ್ ಎಬಿಲಿಟಿ ಟೆಸ್ಟ್(ಎಸ್ಎಟಿ) ಎಂಬ ಪ್ರಕಾರಗಳಲ್ಲಿ ನಡೆಯುತ್ತದೆ.
ವಿನಯ್ ಕುಮಾರ್ 2013ರಲ್ಲಿ ನಡೆದ ರಾಜ್ಯ ಮಟ್ಟದ ಅರ್ಹತಾ ಪರೀಕ್ಷೆಯಲ್ಲಿ ತೇರ್ಗಡೆಗೊಂಡು, 2014 ಅಕ್ಟೋಬರ್ 19ರಂದು ಬೆಂಗಳೂರಿನಲ್ಲಿ ನಡೆದ ರಾಷ್ಟ್ರಮಟ್ಟದ ಮೆಂಟಲ್ ಎಬಿಲಿಟಿ ಟೆಸ್ಟ್(ಮ್ಯಾಟ್) ಮತ್ತು ಸ್ಕಾಲೆಸ್ಟಿಕ್ ಎಬಿಲಿಟಿ ಟೆಸ್ಟ್(ಎಸ್ಎಟಿ) ಪರೀಕ್ಷೆಯಲ್ಲಿ ಉನ್ನತ ಅಂಕದೊಂದಿಗೆ ವಿನಯ್ ಕುಮಾರ್ ಆಯ್ಕೆಯಾಗುವ ಮೂಲಕ ಎಕ್ಸ್ಪಟರ್್ ಸಂಸ್ಥೆಗೆ ಕೀತರ್ಿ ತಂದಿದ್ದಾರೆ.

EXPERT PU COLLEGE VALACHIL - NATIONAL TALENT SEARCH- VINAY KUMAR G.V. SELECTED

ಎಕ್ಸ್‌ಪರ್ಟ್ ಪದವಿಪೂರ್ವ ಕಾಲೇಜು ವಿದ್ಯಾರ್ಥಿಗೆ ಅಭಿನಂದನೆ

ಮಂಗಳೂರು: ನವದೆಹಲಿಯ ಎನ್.ಸಿ.ಇ.ಆರ್.ಟಿ. ನಡೆಸುವ ರಾಷ್ಟ್ರೀಯ ಪ್ರತಿಭಾನ್ವೇಷಣಾ ಪರೀಕ್ಷೆ(NATIONAL TALENT SEARCH) ಯಲ್ಲಿ ಮಂಗಳೂರಿನ ವಳಚ್ಚಿಲ್ ಎಕ್ಸ್‌ಪರ್ಟ್ ಪದವಿಪೂರ್ವ ಕಾಲೇಜಿನ ವಿದ್ಯಾರ್ಥಿ ವಿನಯ್‌ ಕುಮಾರ್ ಜಿ.ವಿ. ಗಮನಾರ್ಹ ಸಾಧನೆ ಮಾಡಿದ್ದಾರೆ.
ಎನ್.ಸಿ.ಇ.ಆರ್.ಟಿ. ನಡೆಸುವ ಪ್ರತಿಭಾನ್ವೇಷಣಾ ಪರೀಕ್ಷೆ(NATIONAL TALENT SEARCH–NTS) ಪ್ರತಿಭಾನ್ವಿತ ವಿದ್ಯಾರ್ಥಿಗಳಿಗೆ ಪ್ರತಿಷ್ಠೆಯ ವಿಷಯವಾಗಿದ್ದು, MENTAL ABILITY TEST್(MAT) ಮತ್ತು SCHOLESTIC ABILITY TEST್(SAT) ಎಂಬ ಪ್ರಕಾರಗಳಲ್ಲಿ ನಡೆಯುತ್ತದೆ.
ವಿನಯ್ ಕುಮಾರ್ 2013ರಲ್ಲಿ ನಡೆದ ರಾಜ್ಯ ಮಟ್ಟದ ಅರ್ಹತಾ ಪರೀಕ್ಷೆಯಲ್ಲಿ ತೇರ್ಗಡೆಗೊಂಡು(50ಸಾವಿರ ವಿದ್ಯಾರ್ಥಿಗಳ ಪೈಕಿ 235 ಮಂದಿ ತೇರ್ಗಡೆಯಾಗಿದ್ದರು.) 2014 ಅಕ್ಟೋಬರ್ 19ರಂದು ಬೆಂಗಳೂರಿನಲ್ಲಿ ನಡೆದ ರಾಷ್ಟ್ರಮಟ್ಟದ ಮೆಂಟಲ್ ಎಬಿಲಿಟಿ ಟೆಸ್ಟ್(ಮ್ಯಾಟ್) ಮತ್ತು ಸ್ಕಾಲೆಸ್ಟಿಕ್ ಎಬಿಲಿಟಿ ಟೆಸ್ಟ್(ಎಸ್ಎಟಿ) ಪರೀಕ್ಷೆಯಲ್ಲಿ ಉನ್ನತ ಅಂಕದೊಂದಿಗೆ ವಿನಯ್ ಕುಮಾರ್ ಆಯ್ಕೆಯಾಗುವ ಮೂಲಕ ಎಕ್ಸ್‌ಪರ್ಟ್  ಸಂಸ್ಥೆಗೆ ಕೀರ್ತಿ ತರುವಲ್ಲಿ ಯಶಸ್ವಿಯಾಗಿದ್ದಾರೆ. ಈ ಪರೀಕ್ಷೆಯಲ್ಲಿ ಸುಮಾರು 3ಸಾವಿರದಷ್ಟು ಮಂದಿ ಪರೀಕ್ಷೆ ಬರೆದಿದ್ದು, 1ಸಾವಿರ ಮಂದಿ ಆಯ್ಕೆಯಾಗಿದ್ದಾರೆ.
ಸ್ಕಾಲರ್‌ಶಿಪ್ :
ಆಯ್ಕೆಯಾದ ವಿದ್ಯಾರ್ಥಿಗಳಿಗೆ ಮಾಸಿಕ ರೂ.500 ವಿದ್ಯಾರ್ಥಿ ವೇತನ ಲಭಿಸುತ್ತದೆ. ವಿಜ್ಞಾನ ವಿಷಯದಲ್ಲಿ ಉನ್ನತ ಶಿಕ್ಷಣ ಮುಂದುವರಿಸುವ ವಿದ್ಯಾರ್ಥಿಗಳಿಗೆ ಪಿಎಚ್‌ಡಿ ಪದವಿ ಗಳಿಸುವವ ವರೆಗೆ ಈ ವಿದ್ಯಾರ್ಥಿ ವೇತನ ಮುಂದುವರಿಯುತ್ತದೆ. ವಿಜ್ಞಾನದತ್ತ ವಿದ್ಯಾರ್ಥಿಗಳನ್ನು ಸೆಳೆಯುವುದೇ ಈ ಪರೀಕ್ಷೆಯ ಪ್ರಧಾನ ಉದ್ದೇಶ.

ವಿನಯ್‌ಕುಮಾರ್ ಜಿ.ವಿ. ಮೈಸೂರಿನ ಅಗ್ರಹಾರ ನಿವಾಸಿಯಾಗಿದ್ದು, ಅವರ ತಂದೆ ವಸಂತ ಕುಮಾರ್ ಜಿ.ಎಸ್. ಮೈಸೂರಿನ ವಿಜಯ ಬ್ಯಾಂಕ್ ಉದ್ಯೋಗಿಯಾಗಿದ್ದಾರೆ. ಉನ್ನತ ಶಿಕ್ಷಣಕ್ಕಾಗಿ, ಮೈಸೂರಿನ ಮಹರ್ಷಿ ಪಬ್ಲಿಕ್ ಸ್ಕೂಲ್‌ನ 8ನೇ ತರಗತಿಯಲ್ಲಿರುವಾಗಲೇ ವಿನಯ್ ಬರೆಯಲು ತಯಾರಿ ನಡೆಸಿದ್ದರು. ಅಲ್ಲಿನ ಉಪ ಪ್ರಾಂಶುಪಾಲ ಸತ್ಯನಾರಾಯಣ ಶರ್ಮ ಸ್ಪರ್ಧಾತ್ಮಕ ಪರೀಕ್ಷೆ ಬರೆಯಲು ಪ್ರೇರಣೆ, ತರಬೇತಿ ನೀಡಿದರು.

ಪೂರ್ವತಯಾರಿ:
8ನೇ ತರಗತಿಯಿಂದಲೇ ಆರಂಭ. 10ನೇ ತರಗತಿಯಲ್ಲಿ ಬರೆದೆ. ಮೈಸೂರಿನಲ್ಲಿ ಪ್ರೌಢಶಾಲೆಯಲ್ಲಿ ವಿದ್ಯಾರ್ಥಿಯಾಗಿದ್ದಾಗಲೇ ಟ್ಯೂಷನ್ ನೀಡುತ್ತಿದ್ದ ಕೆ.ಎಚ್.ರಾವ್ ಪ್ರೇರಣೆ ನೀಡಿದರು. ಈ ಪರೀಕ್ಷೆಯ ಬಗ್ಗೆ ಸಂಪೂರ್ಣ ಮಾಹಿತಿದರು. 8ನೇ ತರಗತಿಯಲ್ಲಿ ಈ ಪರೀಕ್ಷೆಯಲ್ಲಿ ಕಂಡ ಸೋಲು(3 ಅಂಕಗಳಲ್ಲಿ ವಿಫಲ) ಮುಂದಿನ ಪರೀಕ್ಷೆ ಬರೆಯಲು ಛಲವನ್ನು ಮೂಡಿಸಿತು. ಕೆ.ಎಚ್.ರಾವ್ ಅವರು ಎಸ್ಎಸ್ಎಲ್‌ಸಿ ಬಳಿಕ ಉನ್ನತ ಶಿಕ್ಷಣ ಪಡೆಯಲು ಮಂಗಳೂರಿನ ಪ್ರತಿಷ್ಠಿತ ಎಕ್ಸ್‌ಪರ್ಟ್ ಪದವಿಪೂರ್ವ ಕಾಲೇಜಿಗೆ ಸೇರುವಂತೆ ಪ್ರೋತ್ಸಾಹದ ಮಾತುಗಳನ್ನಾಡಿದರು. ಅವರ ಮಾರ್ಗದರ್ಶನದಂತೆ ಮುನ್ನಡೆದ ಪರಿಣಾಮ ಸಾಧನೆಗೆ ಯಶಸ್ಸು ಲಭಿಸಿದೆ. ಇದರಿಂದ ಅವರಿಗೆ ತುಂಬು ಸಂತಸವಾಗಿದೆ ಎಂದು  ವಿನಯ್‌ಕುಮಾರ್ ಜಿ.ವಿ. ಕೃತಜ್ಞತೆಯಿಂದಲೇ ಹೇಳುತ್ತಾರೆ.

ಎಕ್ಸ್‌ಪರ್ಟ್ ಶಿಕ್ಷಣ ಕಣ್ಣು ತೆರೆಸಿತು:
ರಾಷ್ಟ್ರಮಟ್ಟದ ಮೆಂಟಲ್ ಎಬಿಲಿಟಿ ಟೆಸ್ಟ್(ಮ್ಯಾಟ್) ಮತ್ತು ಸ್ಕಾಲೆಸ್ಟಿಕ್ ಎಬಿಲಿಟಿ ಟೆಸ್ಟ್(ಎಸ್ಎಟಿ) ಪರೀಕ್ಷೆ ಬರೆಯಲು ಎಕ್ಸ್‌ಪರ್ಟ್ ಕಾಲೇಜಿನ ಶಿಕ್ಷಣ ಉಪಕಾರಿಯಾಗಿದೆ. ಇಲ್ಲಿನ ಶಿಕ್ಷಣದಿಂದ ಪರೀಕ್ಷೆ ಮತ್ತಷ್ಟು ಸುಲಭವಾಗುವಂತೆ ಮಾಡಿದೆ. ಡಿಸೆಂಬರ್ 23ರಂದು ಈ ಪರೀಕ್ಷೆಯ ಫಲಿತಾಂಶ ಬಂದಾಗ ಎಕ್ಸ್‌ಪರ್ಟ್ ಸಂಸ್ಥೆಗೆ ಸೇರಿದ ಬಗ್ಗೆ ಅಭಿಮಾನ ಮೂಡಿತು. ಈ ಕಾಲೇಜಿಗೆ ಸೇರಿದ ಕಾರಣ ಓದುವುದು ಹೇಗೆ, ಸಮಯವನ್ನು ಓದಿಗೆ ಮೀಸಲಿಡುವ ವಿಷಯ ತಿಳಿಯಿತು. ಶ್ರಮ ವಹಿಸಿದರೆ ಬದುಕಿನಲ್ಲಿ ಯಶಸ್ಸು ಸುಲಭಸಾಧ್ಯ ಎಂಬ ಸತ್ಯವನ್ನು ಎಕ್ಸ್‌ಪರ್ಟ್ ಕಲಿಸಿದೆ. ಹೆತ್ತವರು ನೀಡಿದ ಪ್ರೋತ್ಸಾಹ ನನ್ನ ಸಾಧನೆಗೆ ದಾರಿದೀಪವಾಗಿದೆ. ನವದೆಹಲಿಯ ಆಲ್ ಇಂಡಿಯ ಇನ್ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸ್ ಕಾಲೇಜಿನಲ್ಲಿ ವ್ಯಾಸಂಗ ಮಾಡುವ ಕನಸು ಇದೆ ಎನ್ನುತ್ತಾರೆ ವಿನಯ್‌ಕುಮಾರ್ ಜಿ.ವಿ.
––––––––––––––––––––––––––––––––––––––––––––––––––––––––––––––––––––––––
ವರದಿ: ಸುರೇಶ್ ಎಡನಾಡು, ಕನ್ನಡ ವಿಭಾಗ, ಎಕ್ಸ್‌ಪರ್ಟ್ ಪದವಿ ಪೂರ್ವ ಕಾಲೇಜು, ವಳಚ್ಚಿಲ್, ಮಂಗಳೂರು.
––––––––––––––––––––––––––––––––––––––––––––––––––––––––––––––––––––––––

Expert Time Square of Dance and Music Festival-2014

MANGALURU: Indian classical music should be protected and should not be allowed to deplete says Mrs Ushaprabha N. Nayak the Secretary and Correspondent Expert group of institutions addressing the gathering on the occasion of Dance and Music Festival-2014 which was held at Time Square of Expert PU College Valachil Campus  on Monday.

The heart beat of a mother  is a maiden music for a baby when it is in the womb,music cant be understood it should be felt. Music is silence. When silence withers there blooms a music which comforts our mind says mrs nayak.

Maiden programme of Padmashree awardee Pandit Bhajan Safori and Abhay Safori who created world of music which was well supported by taborer Mr.Raveendra. Pandith Bhajan Safori has also addressed the students.

Usthad Rafeeq Khan, Mr.Manjunath Kamath trustees , Mr Pradeep Kumar Kalkura President of Dakshin Kannada Jilla Sahithya Parishath  and  Mr.Gurudatt N. Vice Principal were present during the programme.

Prof. Narendra L Nayak the Chairman of Expert group of institutions felicitated the artists.Dr.N.K.Vijayan principal rendered vote of thanks.

EXPERT PU COLLEGE VALACHIL -TIME SQUARE DANCE & MUSIC FESTIVAL-14

ಶಾಸ್ತ್ರೀಯ ಸಂಗೀತದ ಶ್ರೀಮಂತಿಕೆಯನ್ನು ಕಾಪಾಡಬೇಕು

ವಳಚ್ಚಿಲ್: ಭಾರತದ ಶಾಸ್ತ್ರೀಯ ಸಂಗೀತದ ಶ್ರೀಮಂತಿಕೆಯನ್ನು ಕಾಪಾಡಬೇಕು ಎಂದು ಮಂಗಳೂರಿನ ಎಕ್ಸ್‌ಪರ್ಟ್ ಸಮೂಹ ಶಿಕ್ಷಣ ಸಂಸ್ಥೆಗಳ ಕಾರ್ಯದರ್ಶಿ ಶ್ರೀಮತಿ ಉಷಾಪ್ರಭಾ ಎನ್. ನಾಯಕ್ ಹೇಳಿದರು.
ಮಂಗಳೂರಿಗೆ ಸಮೀಪದ ವಳಚ್ಚಿಲ್ ಎಕ್ಸ್‌ಪರ್ಟ್ ಪದವಿಪೂರ್ವ ಕಾಲೇಜು ಕ್ಯಾಂಪಸ್ಸಿನ ‘ಟೈಮ್‌ಸ್ಕ್ವೇರ್‌’ನಲ್ಲಿ ಏರ್ಪಡಿಸಿದ ‘ಟೈಮ್‌ಸ್ಕ್ವೇರ್‌ ಡ್ಯಾನ್ಸ್ ಆ್ಯಂಡ್ ಮ್ಯೂಸಿಕ್ ಫೆಸ್ಟಿವಲ್-2014’ ಕಾರ್ಯಕ್ರಮವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.
ತಾಯಿಯ ಗರ್ಭದಲ್ಲಿರುವಾಗಲೇ ಅನುಭವಕ್ಕೆ ಬರುವ ಹೃದಯದ ಬಡಿತ ಮಗುವಿನ ಪಾಲಿಗೆ ಚೊಚ್ಚಲ ಸಂಗೀತ. ಯಾವುದೇ ಸಂಗೀತವನ್ನು ಅರ್ಥಮಾಡಿಕೊಳ್ಳಲಾಗುವುದಿಲ್ಲ; ಅದನ್ನು ಅನುಭವಿಸಬೇಕು. ಸಂಗೀತವೆಂದರೆ ಮೌನ. ಮೌನವನ್ನು ಒಡೆದು ಬರುವುದೇ ಸಂಗೀತ. ಸಂಗೀತ ಮೌನದಿಂದ ಅರಳಿ ಆಸ್ವಾದಕರ ಮನಸ್ಸನ್ನು ಮುದಗೊಳಿಸುತ್ತದೆ ಎಂದರು.
ಎಕ್ಸ್‌ಪರ್ಟ್ ಕಾಲೇಜಿನ ‘ಟೈಮ್‌ಸ್ಕ್ವೇರ್‌ ಡ್ಯಾನ್ಸ್ ಆ್ಯಂಡ್ ಮ್ಯೂಸಿಕ್ ಫೆಸ್ಟಿವಲ್-2014’ ಎಂಬ ಚೊಚ್ಚಲ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದ ಪದ್ಮಶ್ರೀ ಪಂಡಿತ್ ಭಜನ್ ಸೊಪೋರಿ ಮತ್ತು ಅಭಯರುಸ್ತುಂ ಸೊಪೋರಿ ಅವರ ಸಂತೂರ್ ಜುಗಲ್ಬಂದಿ ಸುಂದರ ನಾದಲೋಕವನ್ನೇ ಸೃಷ್ಟಿಸಿತು. ಇಳಿಸಂಜೆಯ ತಂಗಾಳಿಯಲ್ಲಿ ಸಂತೂರ್ ನಿನಾದ ಮಿಲನಗೊಂಡು ಸಂಗೀತ ರಸಿಕರ ಮನ ತೇಲಾಡಿತು. ಬೆಂಗಳೂರಿನ ರವೀಂದ್ರ ಯವಗಲ್ ಅವರು ತಬಲಾದಲ್ಲಿ ಸಾಥ್ ನೀಡಿದರು.
ಇದೇ ಸಂದರ್ಭದಲ್ಲಿ ವಿದ್ಯಾರ್ಥಿಗಳೊಂದಿಗೆ ಸಂವಾದ ನಡೆಸಿದ ಪದ್ಮಶ್ರೀ ಪಂಡಿತ್ ಭಜನ್ ಸೊಪೋರಿ ಅವರು, ವಿದ್ಯಾರ್ಥಿಗಳು ತಮ್ಮ ಜೀವನದ ಗುರಿಯನ್ನು ಸ್ಪಷ್ಟಪಡಿಸಿಕೊಳ್ಳಬೇಕು. ಗುರಿ ಸಾಧನೆಗೆ ಶ್ರಮಕಾರ್ಯ ಅತ್ಯಗತ್ಯ ಎಂದು ಕಿವಿಮಾತು ಹೇಳಿದರು.
ಟ್ರಸ್ಟಿಗಳಾದ ಉಸ್ತಾದ್ ರಫೀಖ್ ಖಾನ್, ಮಂಜುನಾಥ್ ಕಾಮತ್, ದಕ್ಷಿಣ ಕನ್ನಡ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ಪ್ರದೀಪ್ ಕುಮಾರ್ ಕಲ್ಕೂರ, ಉಪ ಪ್ರಾಂಶುಪಾಲ ಗುರುದತ್ ಎನ್. ಉಪಸ್ಥಿತರಿದ್ದರು.
ಎಕ್ಸ್‌ಪರ್ಟ್ ಸಮೂಹ ಸಂಸ್ಥೆಗಳ ಅಧ್ಯಕ್ಷ ಪ್ರೊ.ನರೇಂದ್ರ ಎಲ್. ನಾಯಕ್ ಕಲಾವಿದರನ್ನು ಸನ್ಮಾನಿಸಿದರು. ಕಾಲೇಜಿನ ಪ್ರಾಂಶುಪಾಲ ಡಾ.ಎನ್.ಕೆ.ವಿಜಯನ್ ವಂದಿಸಿದರು.

Expert Santoor Jugal Bandhi

EX-PRO-2014

ವಳಚ್ಚಿಲ್ ಎಕ್ಸ್‌ಪರ್ಟ್ ಪದವಿಪೂರ್ವ ಕಾಲೇಜಿನಲ್ಲಿ 'ಎಕ್ಸ್‌–ಪ್ರೊ–2014'

ರಾಜ್ಯಮಟ್ಟದ ವಿಜ್ಞಾನ ಮತ್ತು ವೃತ್ತಿಪರಿಚಯ ಮೇಳ

ಮಂಗಳೂರು: ಇಲ್ಲಿಗೆ ಸಮೀಪದ ವಳಚ್ಚಿಲ್ ಎಕ್ಸ್‌ಪರ್ಟ್ ಪದವಿಪೂರ್ವ ಕಾಲೇಜಿನ ನೂತನ ಕ್ಯಾಂಪಸ್ಸಿನಲ್ಲಿ 'ಭರವಸೆಯ ಭವಿಷ್ಯಕ್ಕೆ ಪ್ರಗತಿಪರ ವೇದಿಕೆ' ಎಂಬ ಆಶಯದೊಂದಿಗೆ 'ಎಕ್ಸ್‌–ಪ್ರೊ–2014' ಎಂಬ ರಾಜ್ಯಮಟ್ಟದ ವಿಜ್ಞಾನ ಮತ್ತು ವೃತ್ತಿಪರಿಚಯ ಮೇಳವನ್ನು ಡಿಸೆಂಬರ್ 8ರಂದು ಆಯೋಜಿಸಲಾಗಿದೆ.

ರಾಜ್ಯ ಮಟ್ಟದ ಈ ಸ್ಪರ್ಧೆಯಲ್ಲಿ ಪ್ರೌಢಶಾಲಾ ವಿಭಾಗದ 8, 9 ಮತ್ತು 10ನೇ ತರಗತಿಯ ವಿದ್ಯಾರ್ಥಿಗಳು ಭಾಗವಹಿಸಬಹುದು. ಸ್ಪರ್ಧೆಗಳು ವೈಯಕ್ತಿಕ ಮತ್ತು ಗುಂಪುಗಳ ವಿಭಾಗದಲ್ಲಿ ನಡೆಯಲಿದೆ. 

ಡಿಸೆಂಬರ್ 8ರಂದು ಬೆಳಿಗ್ಗೆ 9.30ಕ್ಕೆ ನೋಂದಾವಣೆ, 10 ಗಂಟೆಗೆ ವಿವಿಧ ಸ್ಪರ್ಧೆಗಳು ನಡೆಯಲಿದೆ. ವೈಯಕ್ತಿಕ ಸ್ಪರ್ಧೆಗಳು 2 ಗಂಟೆ, ಗುಂಪು ಸ್ಪರ್ಧೆಗಳು 3 ಗಂಟೆಗಳ ಕಾಲಾವಧಿಯಲ್ಲಿ ನಡೆಯಲಿದೆ. ವಿಜೇತರಿಗೆ ನಗದು ಬಹುಮಾನ ಸಹಿತ ಸ್ಮರಣಿಕೆ ಹಾಗೂ ಪ್ರಮಾಣಪತ್ರಗಳನ್ನು ನೀಡಲಾಗುವುದು. ಅತ್ಯಧಿಕ ಅಂಕ ಗಳಿಸುವ ಶಾಲೆಗೆ ಸಮಗ್ರ ಚಾಂಪಿಯನ್‌ಶಿಪ್ ಟ್ರೋಫಿ ನೀಡಿ ಪುರಸ್ಕರಿಸಲಾಗುವುದು. 

ವೈಯಕ್ತಿಕ ವಿಭಾಗದಲ್ಲಿ ಗ್ರೀಟಿಂಗ್ ಕಾರ್ಡು ತಯಾರಿ, ಪೇಪರ್ ಬ್ಯಾಗ್ ತಯಾರಿ, ಬೊಂಬೆ ತಯಾರಿ, ಫ್ಲವರ್‌ವಾಸ್ ತಯಾರಿ, ವಾಕ್ಸ್ ಮೌಲ್ಡಿಂಗ್, ವೆಜ್‌ಟೇಬಲ್ ಪ್ರಿಂಟಿಂಗ್, ಆಭರಣ ತಯಾರಿ, ಕ್ಲೇ ಮಾಡಲಿಂಗ್, ಕೊಲಾಜ್, ಪೆನ್ಸಿಲ್ ಡ್ರಾಯಿಂಗ್, ಪೈಂಟಿಂಗ್(ಜಲವರ್ಣ), ಪೈಂಟಿಂಗ್(ತೈಲವರ್ಣ), ಕ್ಯಾಲಿಗ್ರಫಿ(ಕೈಬರಹ), ಜ್ಯಾಮೆಟ್ರಿಕಲ್ ಡ್ರಾಯಿಂಗ್, ಗ್ಲಾಸ್ ಪೈಂಟಿಂಗ್, ಪೋಸ್ಟರ್ ಡಿಸೈನಿಂಗ್, ಆರ್ಕಿಟೆಕ್ಚರಲ್ ಡ್ರಾಯಿಂಗ್, ಫೋಟೋಗ್ರಫಿ, ಕಸದಿಂದ ರಸ, ಸ್ಮರಣ ಶಕ್ತಿ ಪರೀಕ್ಷೆ ಮೊದಲಾದ ಸ್ಪರ್ಧೆಗಳು ನಡೆಯಲಿದೆ. 

ಗುಂಪು ವಿಭಾಗದಲ್ಲಿ ಸ್ಟಿಲ್ ಮಾಡೆಲ್ಸ್, ವರ್ಕಿಂಗ್ ಮಾಡೆಲ್ಸ್, ಹೊಸ ಶೋಧನೆ ಅಥವಾ ಸಂಶೋಧನೆ, ಪವರ್ ಪಾಯಿಂಟ್ ಪ್ರೆಸೆಂಟೇಶನ್, ಬಯೋಕ್ರೋಮ್ ಸ್ಪರ್ಧೆಗಳು ನಡೆಯಲಿದ್ದು, ಗುಂಪಿನಲ್ಲಿ ಇಬ್ಬರಿಗೆ ಮಾತ್ರ ಅವಕಾಶ ನೀಡಲಾಗುವುದು.

ಸ್ಪರ್ಧಾಳುಗಳು ತಮಗೆ ಬೇಕಾದ ಎಲ್ಲಾ ವಸ್ತುಗಳನ್ನು ತರಬೇಕು. ಒಬ್ಬ ವಿದ್ಯಾರ್ಥಿ ಒಂದೇ ಸ್ಪರ್ಧೆಯಲ್ಲಿ ಭಾಗವಹಿಸಬೇಕು. ಆಸಕ್ತ ಶಾಲೆಗಳ ಮುಖ್ಯಸ್ಥರು ತಮ್ಮ ಶಾಲೆಯ ಸ್ಪರ್ಧಾಳುಗಳ ಭರ್ತಿ ಮಾಡಿದ ಅರ್ಜಿಯನ್ನು ನವೆಂಬರ್ 22ರಂದು ಸಂಜೆ 5 ಗಂಟೆಯೊಳಗೆ ವಳಚ್ಚಿಲ್ ಎಕ್ಸ್‌ಪರ್ಟ್ ಕಾಲೇಜಿನ ಕಚೇರಿಗೆ ಅಂಚೆ ಅಥವಾ ಇ-ಮೇಲ್ ಮುಖಾಂತರ ಸಲ್ಲಿಸಬಹುದು. ವಿಳಾಸ: ನಿರ್ದೇಶಕರು, 'ಎಕ್ಸ್‌–ಪ್ರೊ–2014', ಎಕ್ಸ್‌ಪರ್ಟ್ ಪದವಿಪೂರ್ವ ಕಾಲೇಜು, ವಳಚ್ಚಿಲ್, ಮಂಗಳೂರು. ಇ–ಮೇಲ್ : expertexpro@gmail.com

ಹೆಚ್ಚಿನ ಮಾಹಿತಿಗೆ ಕಾರ್ಯಕ್ರಮ ನಿರ್ದೇಶಕರಾದ ಶ್ಯಾಮ್ ಪ್ರಸಾದ್(9481447560) ಅವರನ್ನು ಸಂಪರ್ಕಿಸಬಹುದು.

Expert PU College Valachil Green Ex Planting

GREEN Ex Shramadan

EXPERT PU COLLEGE VALACHIL - DEEPAVALI CELEBRATION-14

ಉತ್ತಮ ಶಿಕ್ಷಕರಿಂದ ಮಾತ್ರ ಅತ್ಯುತ್ತಮ ಶಿಕ್ಷಣ

ವಳಚ್ಚಿಲ್: ಸ್ಪರ್ಧಾತ್ಮಕ ಯುಗದಲ್ಲಿ ಉಪನ್ಯಾಸಕರು ಮತ್ತು ಭಾಷಣಕಾರರ ಅಗತ್ಯವಿಲ್ಲ. ಉತ್ತಮ ಶಿಕ್ಷಕರಿಂದ ಮಾತ್ರ ಅತ್ಯುತ್ತಮ ಶಿಕ್ಷಣ ನೀಡಲು ಸಾಧ್ಯ ಎಂದು ಮಂಗಳೂರಿನ ಕೊಡಿಯಾಲ್‌ಬೈಲ್ ಎಕ್ಸ್‌ಪರ್ಟ್ ಪದವಿಪೂರ್ವ ಕಾಲೇಜಿನ ಪ್ರಾಂಶುಪಾಲ ಪ್ರೊ.ರಾಮಚಂದ್ರ ಭಟ್ ಅಭಿಪ್ರಾಯಪಟ್ಟರು.
ವಳಚ್ಚಿಲ್ ಎಕ್ಸ್‌ಪರ್ಟ್ ಪದವಿಪೂರ್ವ ಕಾಲೇಜಿನ ನೂತನ ಕ್ಯಾಂಪಸ್ಸಿನಲ್ಲಿ ದೀಪಾವಳಿ ಮಹೋತ್ಸವವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.
ಬೆಳಕು ಜ್ಞಾನದ ಸಂಕೇತ. ಅಂಧಕಾರವನ್ನು ತೊಡೆದುಹಾಕಿ ಅರಿವು ಮತ್ತು ಸಾತ್ವಿಕತೆಯ ಸಂದೇಶವನ್ನು ದೀಪಾವಳಿ ಬಿಂಬಿಸುತ್ತದೆ. ಅರಿವೇ ಗುರು ಎಂಬುದನ್ನು ಯುವ ಪೀಳಿಗೆ ಮನದಟ್ಟು ಮಾಡಿಕೊಂಡರೆ ಶಿಕ್ಷಣದ ನಿಜವಾದ ಉದ್ದೇಶ ಸಾರ್ಥಕವಾಗುತ್ತದೆ. ಎಕ್ಸ್‌ಪರ್ಟ್ ಕಾಲೇಜು ವಿದ್ಯಾರ್ಥಿಗಳ ಸರ್ವತೋಮುಖ ಅಭಿವೃದ್ಧಿಗೆ ಹೆಚ್ಚಿನ ಕಾಳಜಿ ವಹಿಸುತ್ತಾ ಬಂದಿದೆ. ಇದರ ಸದುಪಯೋಗವನ್ನು ವಿದ್ಯಾರ್ಥಿಗಳು ಪಡೆದುಕೊಂಡರೆ ಭವಿಷ್ಯ ಸಫಲವಾಗುತ್ತದೆ ಎಂದವರು ವಿವರಿಸಿದರು.
ಎಕ್ಸ್‌ಪರ್ಟ್ ಸಮೂಹ ಶಿಕ್ಷಣ ಸಂಸ್ಥೆಗಳ ಕಾರ್ಯದರ್ಶಿ  ಉಷಾಪ್ರಭಾ ಎನ್. ನಾಯಕ್ ಮಾತನಾಡಿ, ಎಲ್ಲಾ ಹಬ್ಬಗಳೂ ಮಕ್ಕಳ ಪಾಲಿಗೆ ಮಹತ್ವಪೂರ್ಣವಾಗಿದೆ. ಈದ್‌ಮಿಲಾದ್ ಸಹಬಾಳ್ವೆ, ಗಣೇಶ ಚತುರ್ಥಿ ವಿಘ್ನ ನಾಶ, ಶಾರದಾಪೂಜೆ ವಿವೇಕ-–ಜ್ಞಾನ, ದೀಪಾವಳಿಯ ಲಕ್ಷ್ಮೀಪೂಜೆ ಸಾಧನೆಯ ಫಲ ಮತ್ತು ಕ್ರಿಸ್ಮಸ್ ಸಹನೆಯ ಮಹತ್ವವನ್ನು ಸಾರುತ್ತದೆ. ಇಂಥ ಹಬ್ಬಗಳನ್ನು ಎಕ್ಸ್‌ಪರ್ಟ್ ಸಂಸ್ಥೆ ಆಚರಿಸುವ ಮೂಲಕ ಮಾನವೀಯ ಮೌಲ್ಯಗಳನ್ನು ಮಕ್ಕಳಲ್ಲಿ ಬಿತ್ತರಿಸುತ್ತಿದೆ ಎಂದರು.
ಎಕ್ಸ್‌ಪರ್ಟ್ ಸಮೂಹ ಶಿಕ್ಷಣ ಸಂಸ್ಥೆಗಳ ಅಧ್ಯಕ್ಷ ಪ್ರೊ.ನರೇಂದ್ರ ಎಲ್.ನಾಯಕ್ ಅಧ್ಯಕ್ಷತೆ ವಹಿಸಿದರು.
ಎಕ್ಸ್‌ಪರ್ಟ್ ಸಮೂಹ ಶಿಕ್ಷಣ ಸಂಸ್ಥೆಗಳ ಟ್ರಸ್ಟಿ ಉಸ್ತಾದ್ ರಫೀಕ್ ಖಾನ್, ಶೈಕ್ಷಣಿಕ ಸಲಹೆಗಾರ ಎಸ್.ಎಸ್.ನಾಯಕ್, ಕಾಲೇಜಿನ ಪ್ರಾಂಶುಪಾಲ ಡಾ.ಎನ್.ಕೆ.ವಿಜಯನ್, ಉಪಪ್ರಾಂಶುಪಾಲ ಗುರುದತ್ ಎನ್. ಉಪಸ್ಥಿತರಿದ್ದರು.
ಕು.ನಿಶಿತಾ ಮತ್ತು ಕು.ಶೃತಿ ಕಾರ್ಯಕ್ರಮ ನಿರ್ವಹಿಸಿದರು.
ಬಳಿಕ ಶಿಕ್ಷಕರು ಮತ್ತು ವಿದ್ಯಾರ್ಥಿಗಳಿಂದ ನೃತ್ಯ ವೈಭವ, ಸುಡುಮದ್ದು ಪ್ರದರ್ಶನ ನಡೆಯಿತು.

DEEPAVALI PROGRAMME INAUGARATION